كلمات :محمد عبد المنعم " ابوبثينه "
الحان : محمد عبدالوهاب
لما انت ناوي تغيب على طول مش كنت آخر مره تقول
بالليل اسيب نفسي لهمي ولأفكاري افضل افكر فيك وانت ما انت داري
القى البعاد طول ، اولع ، وتزيد ناري لما انت ناوي
أشوف خيالك في الوحدة جه قدامي اكلمك واسمع حسك واشكي غرامي
واقوم اضمك ما القاش غير أوهامي لما انت ناوي
ما القاش أنيس في الوحده دي غير الحاني اقول لنفسي ده مش ممكن راح يسلاني
لازم يهزه الشوق لي يرجع تاني لما انت ناوي
